2023 අංක 9 දරණ දූෂණ විරෝධී පනතේ 26(1) වගන්තියේ ප්‍රතිපාදන ප්‍රකාරව, අල්ලස් හෝ දූෂණ චෝදනා විමර්ශන කොමිෂන් සභාවේ ප්‍රාථමික සේවා මට්ටම (ශිල්පීය) රියදුරු III ශ්‍රේණියෙහි තනතුරු පුරප්පාඩු 46 සඳහා විවෘත පදනමින් බඳවා ගැනීමට මෙම නිවේදනයේ සඳහන් සුදුසුකම් සපුරා ඇති ශ්‍රී ලාංකීක පුරවැසියන් වෙතින් අයදුම්පත් කැඳවනු ලැබේ.
බඳවා ගැනීමට අවශ්‍ය සුදුසුකම්
- අධ්‍යාපන සුදුසුකම් : අධ්‍යයන පොදු සහතික පත්‍ර සාමාන්‍ය පෙළ විභාගයේදී දෙවරකට නොවැඩි වාර ගණනකදී යටත් පිරිසෙයින් සිංහල/ දෙමළ භාෂාව ඇතුලුව සම්මාන දෙකක් සහිතව විෂයයන් හයක් සමත් වීම.
- වෘත්තීය සුදුකම් : බර වාහන පැදවීම පිළිබඳ මෝටර් රථ ප්‍රවාහන කොමසාරිස් ජනරාල් විසින් නිකුත් කල මෝටර් රථ පැදවීමේ බලපත්‍රයක් ලබා තිබීම.
- පළපුරුද්ද : වාහන රියදුරකු වශයෙන් වසර තුනක පළපුරුද්දක් (ඛණ්ඩ/අඛණ්ඩ) තිබිය යුතුය. (පළපුරුද්ද සහතික මඟින් සනාථ කළ යුතුය.)
- කායික සුදුසුකම් : සෑම අපේක්ෂකයෙකුම ශ්‍රී ලංකාවේ ඕනෑම ප්‍රදේශයක සේවය කිරීමටත් තනතුරේ රාජකාරී ඉටු කිරීමටත් ප්‍රමාණවත් ශාරීරික හා මානසික යෝග්‍යතාවයෙන් යුක්ත විය යුතුය. දිවා හා රාත්‍රී කාලයේදී මනා ඇස් පෙනීමකින් යුක්ත විය යුතු අතර එය වෛද්‍ය සහතිකයකින් සනාථ කල යුතුය. උස අඩි 5ක් තිබිය යුතුය.
- වෙනත් සුදුසුකම් :
i. ශ්‍රී ලාංකික පුරවැසියෙකු විය යුතුය
ii. අයදුම්කරුවන් විශිෂ්ට චරිතයකින් යුක්ත විය යුතුය.
iii. තනතුරට බඳවා ගැනීම සඳහා අවශ්‍ය සුදුසුකම් සම්පූර්ණ කළ යුතු බවට
අයදුම්පත් කැඳවීමේ නිවේදනයේ සඳහන් වන දිනට එම සුදුසුකම් සෑම
ආකාරයකින්ම සම්පූර්ණ කර තිබිය යුතුය
වයස
අවම සීමාව 25
උපරිම සීමාව 45
වැටුප් පරිමාණය
රු.43,280-10x490-10x540-10x590-12x630 - රු.67,040
ඒ අනුව මෙම තනතුරට හිමි වැටුප් කේතය AC-PL-3-2025 වන අතර ආරම්භක වැටුප් පියවර රු.43,280/- වේ. මීට අමතරව පාර්ලිමේන්තුව විසින් 2026.03.17 තනතුරට අදාළ වන පරිදි අනුමත කර ඇති අනෙකුත් දීමනාද ගෙවනු ලැබේ. (2027.01.01 දිනට පෙර බඳවා ගත හොත් වැටුප් ගෙවනු ලබන්නේ වැටුප් පරිමාණයට අදාල උපලේඛන II අනුව වේ. එනම් ගෙවන වැටුප රු. 40,834.00 වේ)
බඳවා ගැනීමේ ක්‍රමය
100% විවෘත පදනමින් බඳවා ගැනේ.
4.1 වෘත්තීය පරීක්ෂණයකින් හා ව්‍යුහගත සම්මුඛ පරික්ෂණයකින් සමන්විත වේ.
4.1.1 වෘත්තීය පරීක්ෂණය -
| ලකුණු ලබා දෙනු ලබන ප්‍රධාන විෂය | උපරිම ලකුණු | තෝරා ගැනීමට සළකා බලනු ලබන අවම ලකුණු |
|---|---|---|
| රිය පැදවීමේ නිපුනතාවය | 40 | 20 |
| මහා මාර්ග නීති පිළිබද ප්‍රායෝගික දැනුම | 40 | 20 |
| මෝටර් යාන්ත්‍රික විද්‍යාව පිළිබද මූලික දැනුම | 20 | 10 |
- වෘත්තීය පරීක්ෂණ මණ්ඩලය පහත නිලධාරින්ගෙන් සමන්විත වේ.
- කොමිෂන් සභාවේ විධායක නිලධාරියෙකු සභාපති ලෙස
- මෝටර් රථ ප්‍රවාහන කොමසාරිස් දෙපාර්තමේන්තුවේ මෝටර් රථ වාහන පරීක්ෂකවරයෙකු
- පොලිස් රථ වාහන අංශයේ නිලධාරියෙකු
4.1.2. ව්‍යුහගත සම්මුඛ පරීක්ෂණය -
| ලකුණු ලබාදෙනු ලබන ප්‍රධාන ශීර්ෂ | උපරිම ලකුණු ප්‍රමාණය | තෝරාගැනීමට සලකා බලනු ලබන අවම ලකුණු ප්‍රමාණය |
|---|---|---|
| අතිරේක අධ්‍යාපන සුදුසුකම් | 20 | 60 |
| අතිරේක සේවා පළපුරුද්ද | 15 | |
| වෙනත් භාෂා ප්‍රවිණතාවය | 10 | |
| විෂයානුබද්ධ දැනුම | 25 | |
| සම්මුඛ පරීක්ෂණයේදී දක්වන කුසලතාවය | 30 | |
| මුළු ලකුණු | 100 |
- ව්‍යුහගත සම්මුඛ පරික්ෂණ මණ්ඩල සාමාජිකයින් තිදෙනෙකුගෙන් සමන්විතය.
සටහන i. වෘත්තීය පරීක්ෂණයේ ලකුණු 50 ට වඩා ලබා ගෙන සුදුසුකම් ලැබූ අයදුම්කරුවන් ව්‍යුහගත සම්මුඛ පරීක්ෂණයට කැඳවනු ලැබේ. වෘත්තීය පරීක්ෂණයේ හා ව්‍යුහගත සම්මුඛ පරීක්ෂණයේ කුසලතා අනුපිළිවෙල අනුව ඉහළම කුසලතාවය දක්වන අයදුම්කරු/ අයදුම්කරුවන් පුරප්පාඩු ගණන අනුව රියදුරු III ශ්‍රේණිය තනතුරට බඳවා ගනු ලැබේ.
ii. බඳවා ගැනීම සිදු කරන අවස්ථාවේදී ඉහත වගුවේ දැක්වෙන ප්‍රධාන ක්ෂේත්‍ර සඳහා වෙන් කර ඇති උපරිම ලකුණු ප්‍රමාණයන් ඇතුළත, ව්‍යුහගත සම්මුඛ පරීක්ෂණය සඳහා විස්තරාත්මක ලකුණු පරිපාටිය අනුමත කිරීම කොමිෂන් සභාව විසින් සිදු කරනු ලැබේ.
සේවයේ නියුක්ත කරවීමේ වගන්ති හා කොන්දේසි
- මෙම පත්වීම අංක 2504/7 හා 2026.09.01 දිනැති ගැසට් නිවේදනය මඟින් කොමිෂන් සභාව විසින් අනුමත කරන ලද බඳවා ගැනීමේ පරිපාටියේ විධිවිධානවලට යටත් වේ.
- මෙම තනතුර ස්ථිරය. සේවක අර්ථ සාධක අරමුදල සහ සේවක භාර අරමුදල් ප්‍රතිලාභ හිමිය.
- මෙම පත්වීම අවුරුදු 3 ක පරිවාස කාලයකට යටත් වේ.
- තනතුරට බඳවා ගෙන වසර 3 ක් ඇතුළත බඳවා ගැනීමේ පරිපාටියේ සඳහන් ආකාරයට කාර්යක්ෂමතා කඩඉම සමත් විය යුතුය.
- පරිවාස කාලය අවසානයේ වැඩ, පැමිණීම, හැසිරීම සතුටුදායක වීම හා කාර්යක්ෂමතා කඩඉම සමත්වීම සළකා බලා සේවය ස්ථිර කිරීම සිදු කරනු ලැබේ.
- කොමිෂන් සභාව විසින් හදුන්වා දෙනු ලබන කාර්ය සාධන ඇගයීම් දර්ශක අනුව වාර්ෂිකව ඔබගේ කාර්ය සාධනය ඇගයීමට ලක් කෙරේ. ඒ අනුව ඉදිරි වැටුප් වර්ධක ලබා දීම සිදුකරන අතර උසස් වීම් සඳහාද එම කාර්ය සාධනය උපයෝගී කරනු ලැබේ.
- රාජ්‍ය භාෂාවක් නොවන මාධ්‍යයකින් සේවයට බැඳුණු නිලධාරින් විසින් පරිවාස කාලය තුල නියමිත රාජ්‍ය භාෂා ප්‍රවීණතාවය ලබා ගත යුතුය.
- 2023 අංක 09 දරණ දූෂණ විරෝධි පනත, අංක 2504/7 හා 2026.09.01 දිනැති ගැසට් නිවේදයෙහි ඇතුළත් අල්ලස් හෝ දූෂණ චෝදනා විමර්ශන කොමිෂන් සභා රීති, ආයතන සංග්‍රහය II, මුදල් රෙගුලාසි හා වරින්වර අල්ලස් හෝ දූෂණ චෝදනා විමර්ශන කොමිෂන් සභාව විසින් පනවනු ලබන රීතිවලට සහ චක්‍රලේඛවලට මෙම පත්වීම යටත්ය.
- ඉල්ලුම් කරනු ලබන භාෂා මාධ්‍යය වෙනස් කිරීමට ඉඩ දෙනු නොලබන අතර ඔබ පත්වීම ලැබීමට සුදුසුකම් ලත් භාෂා මාධ්‍යය වනුයේ ඔබ විසින් අයදුම්පත්‍රයේ සඳහන් කරනු ලබන භාෂා මාධ්‍යය වේ.
අපේක්ෂකයන්ගේ අනන්‍යතාවය
- වෘත්තීය පරීක්ෂණයට කැඳවනු ලබන්නේ සෑම ආකාරයෙන්ම සම්පූර්ණ අයදුම්පත් ඉදිරිපත් කර ඇති අපේක්ෂකයින් පමණි.
- වෘත්තීය /ව්‍යුහගත පරික්ෂණයේදී තමන්ගේ අනන්‍යතාව සහතික කිරීම සඳහා පහත අනන්‍යතා පත්‍ර පිළිගනු ලැබේ.
- පුද්ගලයන් ලියාපදිංචි කිරීමේ කොමසාරිස්වරයා විසින් නිකුත් කරන ලද වලංගු ජාතික හැදුනුම්පත
- වලංගු විදේශ ගමන් බලපත්‍රය
- වලංගු රියදුරු බලපත්‍රය
අයදුම්පත් ඉදිරිපත් කළ යුතු ආකාරය.
- අයදුම්පත්, අධ්‍යක්ෂ ජනරාල්, අල්ලස් හෝ දූෂණ චෝදනා විමර්ශන කොමිෂන් සභාව, තැ.පෙ.1431, 36, මලලසේකර මාවත, කොළඹ 07 යන ලිපිනය සඳහන් කර 2026 ඔක්තෝම්බර් මස 16 දින හෝ එදිනට පෙර ලැබෙන සේ ලියාපදිංචි තැපෑලෙන් එවිය යුතුය. එදිනට පසුව ලැබෙන අයදුම්පත් ප්‍රතික්ෂේප කරනු ලැබේ.
- ඉදිරිපත් කළ යුතු අයදුම්පත්‍රයේ ආදර්ශ ආකෘතියක් මෙම නිවේදනය අවසානයේ දක්වා ඇත. අයදුම්කරුවන් ඔවුන්ගේ අයදුම්පත් A4 ප්‍රමාණයේ කඩදාසියක ඉංග්‍රීසි භාෂාවෙන් පමණක් සම්පූර්ණ කර ඉදිරිපත් කළ යුතුය.
- අයදුම්පත් බහා එවන ලිපි කවරය ඉහළ වම් කෙළවරේ “රියදුරු තනතුරේ III ශ්‍රේණියට බඳවා ගැනීම” යනුවෙන් පැහැදිලිව සදහන් කළ යුතුය.
- අයදුම්පත්‍රයෙහි අයදුම්කරුගේ අත්සන රජයේ පාසලක විදුහල්පතිවරයෙකු/ සාමදාන විනිශ්චයකාරවරයෙකු/දිවුරුම් කොමසාරිස්වරයෙකු/ නීතිඥවරයෙකු/ ප්‍රසිද්ධ නොතාරිස්වරයෙකු/ත්‍රිවිධ හමුදාවේ අධිකාරිලත් නිලධාරියෙකු හෝ රු.71,240/- ක හෝ ඊට වැඩි මාසික ඒකාබද්ධ වැටුපක් ලබන රජයේ හෝ පළාත් රාජ්‍ය සේවයේ ස්ථිර තනතුරක් දරණ, නිලධාරියෙකු විසින් සහතික කළ යුතුය.
- අයදුම්පත් තැපෑලේදි නැතිවූ බවට හෝ ප්‍රමාද වූ බවට හෝ කෙරෙන පැමිණිලි ගැන සළකා බලනු නොලැබේ. අවසාන දිනය දක්වා තම අයදුම්පත් පමා කරන අයදුම්කරුවන් ඉන් සිදු විය හැකි ප්‍රතිවිපාක තමන් විසින්ම විඳ දරා ගත යුතුය.
- අයදුම්පත්‍රය සමඟ පහත ලේඛනවල සහතික කරන ලද එක් ඡායා පිටපතක් බැගින් අමුණා එවිය යුතු අතර වෙනත් කිසිදු ලේඛනයක් නොඇමිණිය යුතුය.
- ජාතික හැදුනුම්පතෙහි සහතික කරන ලද පිටපත.
- උප්පැන්න සහතිකයේ සහතික කරන ලද පිටපත.
- ඉහත ඉල්ලුම්කර ඇති අධ්‍යාපන සුදුසුකම්වලට අදාළ සහතිකවල සහතික කරන ලද පිටපත්.
- ඉහත ඉල්ලුම්කර ඇති වෘත්තීය සුදුසුකම්වලට අදාළ සහතිකවල සහතික කරන ලද පිටපත්.
- ඉහත ඉල්ලුම්කර ඇති පළපුරුද්ද සනාථ කෙරෙන සහතිකවල සහතික කළ පිටපත්
- අයදුම්පත් යොමු කිරීමේ අවසාන දිනට මසක් ඇතුළත ලබා ගත් වෛද්‍ය සහතිකවල (ඉල්ලුම් කරන ලද) සහතික කරන ලද පිටපත්.
- චරිතය පිළිබඳව සඳහන් වන මෑතකදි ලබා ගත් චරිත සහතික 2 ක සහතික කළ පිටපත්.
සටහන : සම්මුඛ පරික්ෂණය අවස්ථාවේදී අදාළ ලේඛනවල මුල් පිටපත්, අයදුම්පත්‍රයට අමුණා ඇති සහතික කරන ලද පිටපත් සනාථ කර ගැනීම සඳහා ඉදිරිපත් කළ යුුතුය.
සාවද්‍ය තොරතුරු සැපයීම.
ඔබ විසින් එවන ලද අයදුම්පත්‍රයේ සඳහන් කර ඇත්තා වූ යම් තොරතුරක් අසත්‍ය හෝ වැරදි බවට බඳවා ගැනීමට පෙර අනාවරණය වුවහොත් ඔබගේ අපේක්ෂකත්වය අවලංගු කරනු ලැබේ. එවැනි අසත්‍ය හෝ වැරදි තොරතුරක් බඳවා ගැනීමෙන් පසුව අනාවරණය වුවහොත් ඊට අදාළ ක්‍රියාමාර්ගයන්ට යටත්ව සේවයෙන් පහ කිරීමට කටයුතු කරනු ලැබේ.
පුරප්පාඩු පිරවීම / නොපිරවීම පිළිබඳ අවසාන තීරණය අල්ලස් හෝ දූෂණ චෝදනා විමර්ශන කොමිෂන් සභාව සතු වේ.
බඳවා ගැනීම් සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාවේ තීරණය අවසන් තීරණය වේ.
මෙම ගැසට් නිවේදනයේ සිංහල , දෙමළ, ඉංග්‍රීසි භාෂා අතර යම් අනනුකූලතාවයක් හෝ පරස්පරතාවයක් හෝ ඇතිවුවහොත් එවිට සිංහල භාෂා පාඨය බලපැවැත්විය යුතු වන්නේය.
අල්ලස් හෝ දූෂණ චෝදනා විමර්ශන කොමිෂන් සභාවේ නියමය පරිදි,
ආර්.එස්.ඒ.දිසානායක,
අධ්‍යක්ෂ ජනරාල්
අල්ලස් හෝ දූෂණ චෝදනා විමර්ශන කොමිෂන් සභාව,
තැ.පෙ. 1431,
36, මලලසේකර මාවත,
කොළඹ 07.
අයදුම්පත්‍රය
තිරය මත ඉංග්‍රීසි ලොකු අකුරින් පුරවන්න, නැතහොත් මුද්‍රණය කර අතින් පුරවන්න. (අයදුම්පත ඉංග්‍රීසි භාෂාවෙන් පුරවිය යුතුය.)
Commission to Investigate Allegations of Bribery or Corruption
Application for Recruitment to the Post of Driver (Grade III) on Open Basis
| Sinhala | |
| Tamil | |
| English |
(Application should be filled in English block capitals)
| 1.0 | 1.1 Full Name | |
| 1.2 Full Name (Sinhala/Tamil) | ||
| 1.3 Name with Initials | ||
| 2.0 | 2.1 Permanent Address | |
| 2.2 District | ||
| 2.3 Province | ||
| 3.0 | 3.1 Gender | |
| 3.2 National Identity Card Number | ||
| 4.0 | 4.1 Mobile Telephone No./WhatsApp No. | |
| 4.2 Fixed Telephone No. | ||
| 4.3 E-mail Address | ||
| 5.0 | 5.1 Date of Birth | |
| 5.2 Age as at the Closing Date of Applications | Years Months Days | |
| 6.0 | 6.1 Marital Status | |
| 7.0 | 7.1 Height | |
| 8.0 | 8.1 Nationality | |
| 9.0 | 9.1 Religion |
10.0 Educational Qualifications: Language medium:
| G. C. E. (Ordinary Level) Year : Index No. | |||
| Subject | Grade | Subject | Grade |
11.0 Professional Qualifications:
12.0 Service Experience:-
| Institution | Duration (Number of years) |
13.0 Additional Educational Qualifications:
| Eg. G. C. E. Advanced Level Examination | School/Institution | Results |
14.0 Language Proficiency:
| Language | Documents that can be produced to prove the qualification |
| (a) Sinhala Language | |
| (b) Tamil Language | |
| (c) English Language | |
| (d) Other foreign languages |
15.0 Other Qualifications:
16.0 Declaration by Applicant:
I declare that the information provided in this application is true and correct to the best of my knowledge. I am aware that the Commission to Investigate Allegations of Bribery or Corruption reserves the right to cancel my candidature/appointment if any information furnished herein is found to be false or incorrect before or after recruitment.
I agree to abide by the rules and regulations related to this appointment and to accept any decision taken in respect of the cancellation of my candidature/ or appointment, in case I am found to be unqualified in terms of the applicable rules and regulations.
17.0 Attestation of Signature:
I certify that Mr. who submits this application is known to me personally and that he placed his signature in my presence on .
| Full Name of the Attesting Officer | : | |
| Designation | : | |
| Address | : | |
| Date | : |